关于清远边度有好野食？快入黎TT吖！

Yan丶 · 发表于 2010-5-7 14:55

对于狠多初黎清远噶朋友，或者5系地道噶清远人。都想知道清远边度有好野食啊？本人系清远土生土长左二十年。活动范围系清城区一带，系呢区已经觅食过狠多本人认为几好食又抵食噶野！下面为大家介绍一下

首先，坐109路车到城市广场。范围系旧城一带。时至夏天，好多人都想饮糖水，稳个比较凉爽噶地方休息下，凉快凉快。系南门街星光新天地旁边有条巷仔，有间叫渣喳（呢两个字5识打，姑且打同音字）噶糖水店，该店地方虽简陋，但入面噶野几好食，比如充满东南亚风味噶喳喳糖水（好多料噶，有红豆，绿豆，狠多豆，我都5记得有几种豆仔）上面再铺住一层椰奶，口感非常好。又顶肚。绝对物超所值。同时，呢度噶绿豆沙、红豆沙都非常好味啊！满满噶一碗又浓又稠，简直令你停5到口啊！还有仓前街（位于北门街味太郎后面）都有间糖水店噶糖水都5错噶，该店一到夜晚就人满为患，非常之多人。我经常去到都无位置。呢度噶咸肉粽好好食噶。正中多料又够味噶咸肉粽，配上一碗绿豆糖水，禁就无得顶喇！

如果你5中意饮糖水、食咸肉粽噶，北门街有间味太郎，小小噶档口。呢度噶野都几好食噶。鱼丸、碗仔翅、玉米羹都好好食噶！食翻一两串你还可以继续行前，可以睇到有间韩国铁板烧，虽然店小啊！但系每日都好多人帮衬噶。酸辣粉都5错。如果你嫌铁板烧太热气又油腻噶，可以再行前有条巷仔，又窄又旧噶就系仓后街啊。如果你问清远边度有麻辣烫食，而且仲要好食噶果种就非仓后街莫属啊。呢度上至成年男女，下至小学初中生都喜欢呢度噶麻辣烫。可以讲呢度系麻辣烫一条街啊！由我初一开始系度混迹噶时候，呢度噶麻辣烫就已经达到鼎盛时期，最多开到5间。到依家就所剩无几喇，得翻两间（一间系三味麻辣烫，另外一间系重庆麻辣烫），你话边间好食滴，我都5清楚，之前还读中学噶时候就非常喜欢去三味，但系依家噶三味衰落左。我依家喜欢去重庆麻辣烫！中意食辣野噶同学就一定要黎呢度试下喇！

行系大街度随处都可以见到有牛杂食啊。但系呢会觉得有小小5卫生。去清城行街我一般都中意去城市广场弥敦道噶牛魔王，系城市广场地下停车场对面，呢度下午六点就收档噶，夜晚就食5到喇。中意食牛杂噶同学就无错过喇！可能你已经食过，如果认同噶，可介绍一下你认为都5错噶牛杂店。本人系新城居住，新城三号区，如果系新站坐车噶话到工商局车站落车行到对面就系啊！呢度系所谓清远噶红灯区，一到夜晚，灯火辉煌，各色各样噶人轮番上演。一到放假我都喜欢夜晚黎呢度食宵夜，烧烤档非常多，其中有间有煲仔菜（斋煲）食，十蚊一煲啊，同学们要发挥你噶技术夹菜将个煲塞到满满啊！讲好5好味？食过之后你就会觉得，比起旧城噶太阳岛果边噶煲仔菜简直有过之而无不及啊。同时食煲仔菜，旁边老板娘噶烧烤都5错噶，种样繁多，系度本人非常中意老板娘烧噶生冬菇，哇！每次我都要食番几串噶。真的狠好味噶。韭菜、鸡翼、鱼我都中意食啊。还有狠多。记5到禁多，大家亲自去试下就知道噶！同时前面有阳山牛杂，噢！每次黎三号区食宵夜我都会帮衬距噶。真系好正中噶阳山牛杂，呢度噶阳山牛杂不同于旧城所有噶牛杂铺，呢度不单止底料多，仲有正中噶阳山豆腐，虽然系贵左小小，但系又大只又好食噶豆腐真的5错噶。仲有呢度噶牛肠既有质感又有口感，好好味噶。如果你嫌牛肠肥噶话可以试下牛肺噶，系度话比大家知，其实牛肺都分几种噶，黄牛噶牛肺——结实，口感非常之差，一啖咬落去好似食面包噶感觉。相反水牛噶牛肺就两个字——爽、韧。又有口感又有嚼头。不过大家噶口味各有千秋，有D人就喜欢食黄牛牛肺。但系本人喜欢食水牛牛肺。讲起我都流口水啊！（扯远了）

翻到清城，除佐我以上介绍噶。还有狠多街、巷子都有好野食，坚记噶鲜虾肠、东莹炸鸡、陈华记云吞、学宫街噶炸鸡柳、芝麻糊、酸菜饼、城区人医后面巷仔度噶艇仔粥（讲起艇仔粥，三蚊半满满一大碗，比起学校所谓噶粥，你会觉得学校噶粥5系人食噶。至于位置系边，呢度就比较偏僻，但系我讲清楚D，你地就知道系边噶。通常我地坐109路车翻学校就要到怡富旁边噶车站，即所谓噶城市广场车站。系怡富车站再行前噶红绿灯旁边有间清城区人民医院，再行前又有个车站。车站旁边有条巷子，有时你系度坐车都会睇到有台凳摆出黎噶，呢度噶艇仔粥一绝啊！不过白天你食5到呢度噶艇仔粥噶，要到夜晚六点过后先有得食）。就禁样讲我都5知道点样讲先可以既清楚又详细，你地又可以稳得到。

讲左禁多，我相信酒香不怕巷子深，好野食就一定藏系我地平时5会注意到噶地方。还有好多我都未黎得撤介绍。还有介绍各位情侣，周末行街，除佐买野，食野。大家都可以稳个地方坐低慢慢倾慢慢食。有咩好介绍？咖啡猫大家或者都可能听讲过，清城噶咖啡猫有四间（据我所知），大观街噶总店、怡富广场对面噶玛芝莲二楼噶咖啡猫、北门街东升里噶咖啡猫、女人街噶咖啡猫，大家要记得以上噶咖啡猫啊。行累左可以就近去坐下，消费好普通噶，一杯奶茶，饮料最贵超过20蚊。10蚊8蚊噶奶茶都可以噶！系度叫翻两杯同男/女朋友系度讲下情话倾下计坐一下午都可以噶，你喜欢坐几耐都5会有人讲呢噶，如果觉得闷呢度都有提供扑克，飞行棋、象棋、跳棋。大家都可以同几个好朋友、宿舍噶舍友大家聚下，两个人可以玩积木、三个人可以玩斗地主、四个人可以玩飞行棋、跳棋。一班人大家中意玩咩都可以。呢度都有小食噶！（声明一点：大观街噶总店有设最低消费噶建议大家去其他噶分店）。本人比较中意同朋友去北门街噶雅致。位置5好形容，因为系二楼，个入口又5显眼。不过系味太郎行前小小有个楼梯对住条街，你抬头望下就睇到又个小小噶招牌写住“雅致”绿色噶。大家可以选择黎雅致，雅致有个好噶地理位置，靠窗可以睇到行系北门街各色各样噶人，平时我地中意坐系窗边对下面噶人评头论足。好八卦系米？嘻嘻。。。。。不过卡座系有最低消费噶。四五个人一人一杯野就可以搞掂噶。地方都可以、环境5错。值得大家去坐下。呢度同咖啡猫差不多。亦都有扑克、棋类等可以玩。大家5使拘谨噶！本人介绍一下呢度噶饮料、甜品喇！本人比较喜欢盖顶奶茶，上面铺住一层忌廉，我中意先食左忌廉再饮奶茶，曾经有位朋友笑过我。你禁中意食忌廉倒不如直接买忌廉食仲好，但系我讲忌廉单食你会觉得好甜腻，但系5知点解同奶茶一起食你又5会觉得甜腻喔！真的5错噶。仲有一样喔噶最爱芒果椰奶。哇。。。。小口小口噶芒果肉加上芒果冰沙上面又漂浮住一层淡淡噶椰奶。系夏天大大一啖，感觉好清凉、好刺激啊！口中弥漫住芒果淡淡噶香味、椰奶噶温馨、冰沙噶入口即溶，感觉好似系沙滩度享受一样（有小小夸张）。