草草与骝骝の经典搞笑语录（第一季）

夏幽灵 · 发表于 2009-3-25 16:38

本帖最后由夏幽灵于 2009-3-25 23:43 编辑

语录一：口水被
（事件背景：深冬，深夜，骝骝张被跌咗落地）
骝骝：草草吖，我张被跌咗落地，我好惊唔敢落去捡吖……
草草（落床帮佢捡起张被）：哇~你流口水嚟吖？张被咁重嘅……哈qiu~
P.S.第二日先知原嚟我哋果阵嘅笑声吵醒晒全宿舍…啊哈哈~

语录二：警察，唔该借借
（事件背景：草草占据有利位置洗衫中，骝骝行过嚟）
骝骝：Police唔该借借~（其实佢係想讲”please”）
草草：警察大晒咩~
骝骝&草草：（狂笑不止）
续集：
（事件背景：草草唔记得对骝骝做咗咩坏事）
草草：I am so sorry嘅呢~
骝骝：你係“苏Sorry”？（草草姓苏）
草草：咁你米“王Police”？（骝骝姓王）

语录三：论环保
（事件背景：一饭前面放满展板）
草草：依家D人真係唔环保~
骝骝：点解咁讲？
草草：你知唔知要几多棵树先整到一块铁板吖？
骝骝：要几多吖？
草草：係几多棵都整唔到吖~！可想而知佢有几矜贵啦！

语录四：睡小草
（事件背景：骝骝想从周公手中抢走午睡中嘅草草）
骝骝：草草起身啦~
草草：Zzz…嗯~
骝骝（十分钟后）：喂~四点啦仲唔起身~
草草：Zzz…哦~
骝骝（十五分钟后）：猪！起身啦！
草草：Zzz…噢~
骝骝（爬上铁梯将头伸到草草枕头边）：起身啦！！
草草：啊！！！怪兽吖！！！
P.S.彻底醒鸟……

语录五：睡骝骝
（事件背景：草草同骝骝喺综英课表演完小品《罗密欧与朱丽叶》之后嘅某个下午）
草草（伸手去拍骝骝）：喂~起身食饭啦~
骝骝：嗯~（继续训）
草草：喂~~~
骝骝：嗯~
草草（紧张地抓住骝骝件衫）：Romeo~!你唔好死吖~Romeo~! You die, I die~!! Let”s die together~!!!（草草都训返低）

语录六：女子与小人
（事件背景：早上骝骝食咗半条毛毛虫面包之后仲要食嘢）
草草：真係“唯女子与小人难养也”吖~
骝骝：我唔係小人吖……
草草（摸住骝骝个头）：你咁细粒仲唔算係“小人”？
骝骝：……

语录七：鞋肚饿
（事件背景：午饭后）
骝骝：草草，我“鞋”肚饿吖……（骝骝讲嘅“鞋”等于仲、仍然、still）
草草：吓？咁使唔使喂下佢吖？

语录八：否认事实
（事件背景：唔记得）
骝骝：我否认哩个事实。
草草：否认……事实— —？？

後記：
生活中的每一個快樂的點滴,都值得我們去銘記。
不快樂的時候,想想快樂的事……
然後,微笑。
知道很多年以後,依然是美好的回憶~